Түркиядан Кыргызстанга гуманитардык жардам келди. Бүгүн, 15-июлда «Turkish airlines» авиакомпаниясынын учагы «Манас» аэропортуна 330 жургүнчү менен конгон.
Республикалык ыкчам штабдын маалыматы боюнча, гуманитардык жардам коронавируска каршы күрөшүү үчүн медициналык жабдыктар түрүндө жөнөтүлгөн.
Алар:
- өпкөнү жасалма дем алдыруу 20 (ИВЛ) аппарат;
- 50 кычкылтек концентратору;
- 20 миң ПЧР-тест;
- 20 миң вирусту аныктай турган реагенттердин топтому;
- 50 миң N95 коргоочу бет кап;
- 100 миң хирургиялык бет кап;
- 35 миң коргоочу костюм;
- 2 миң бет кап – козыректор;
- 10 миң таңгак гидроксихлорохин дарысы.
Буга чейин февраль айында дагы Түркиядан Кыргызстанга тест-системалар, бет каптар, коргоочу костюмдар, коргоочу фильтри менен бет каптар жана коргоочу көз айнектер алынып келген болчу.