Москва шаарында белгисиз адам тарабынан Кыргызстан элчилигинде иштеген консулдун орун басары Тигран Кондахчян сабалган.
Sputnik Кыргызстан агенттиги жарыялаган маалыматта, дипломат «Добрынинская» метросунун станциясынан белгисиз адам менен уруша кеткен. Уруш мушташка айланып, Кондахчянды белгисиз адам башка урган.
Консулдун орун басары окуядан кийин полицияга арыз менен кайрылган. Учурда кол салган адам изделүүдө.
Маалым болгондой, Кондахчян Кыргызстандын Москвадагы элчилигинде 2016-жылдан бери иштейт.
