ЖКнын тармактык комитети Абылгазиевдин 2019-жылдагы иши тууралуу отчетун угууда

Окуялар тизмеги 12 Май 2020 13:18
0 ой-пикир

Бүгүн, 12-майда Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча парламенттик комитеттин отурумунда премьер-министрдин 2019-жылдагы иши тууралуу отчету угуулуда.

Отурумда премьер-министр Мухаммедкалый Абылгазиев баяндама жасап, отчет Өкмөттүн ишин баалоо индикаторлору менен Жогорку Кеңеш тарабынан бекитилген форматта сунушталганын кошумчалады.

Ошондой эле өкмөт башчы социалдык-экономикалык негизги көрсөткүчтөргө токтолуп: “Ички дүң өнүмүнүн көлөмүнүн өсүшү 4,5%ды түздү. Бул көрсөткүч 2016-жылдан бери артууда”, – деп белгиледи.

Мындан тышкары, 2019-жылы 14 миң туруктуу жумушчу оруну түзүлгөнү айтылды. Ал эми мамлекеттик-жеке өнөктөштүктүн алкагында 24 долбоор ишке ашырылып, “бизнес-акыйкатчы” институту киргизилгени белгиленди.

“Тышкы инвестициянын көлөмү 876 млн. АКШ долларына барабар болуп, өсүш 2,9% болду. Тагыраагы өлкөбүзгө Кытайдан, Канададан, Швейцариядан, Түркиядан, Россиядан жана Казакстандан инвестиция тартылды. Алардын көпчүлүгү тоо-кен, унаа жолдорун куруу, айыл чарба тармактарында ишке ашырылууда” – деди премьер-министр.

Жыйын суроо-жооп иретинде улантылууда.

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.