Жалал-Абад шаарында “Салттуу музыка жумалыгы” сынагы өттү. Бул тууралуу Жалал-Абад шаардык мэриясынан билдиришти.
Маалыматка ылайык, ага калаадагы 30га жакын жаш таланттар катышып, ооз эки, салттык, музыкалык, айтуучулук, аспапчылык багыттары боюнча өз өнөрлөрүн көрсөтүштү.
Бул багыттагы саамалык бүгүн Жалал-Абад шаарындагы Маданият техникумунда өттү. Анда жаш таланттар калыстар тобуна өз өнөрлөрүн тартуулашты. Саамалыктын жыйынтыгында 6 катышуучу сынактын облустук туруна өттү.
Жумалыкты өткөрүүнүн максаты — жаштар арасында кыргыз элинин салттуу музыкасын жайылтуу, андан сырткары, жаңы таланттарды алып чыгып, колдоо көрсөтүү болуп саналат.
Эскерте кетсек, өлкөдө жыл сайын 25-апрель Салттуу музыка күнү катары белгиленип келет.