Сапар Исаковду соттук териштирүүдө тартипти бузгандыгы үчүн сот залынан чыгарышты. ВИДЕО

Окуялар тизмеги, Өлкө 17 Дек 2019 17:29
0 ой-пикир

Бүгүн Биринчи май райондук сотунда мамлекеттик Тарых музейин жана Чолпон-Ата шаарындагы ат майданын оңдоп-түзөө иши боюнча соттук отурум уланууда. Сотто судья Марат Сыдыков төрагалык кылууда.

Сапар Исаков сот залына кирүүдөн баш тартып, кароолдун бөлмөсүндө калган. Судьянын көрсөтмөсү менен аны алгач мажбурлап алып келишип, кийин кайра чыгарып кетишти. Бул айыпталуучунун ага карата күчтөө жана мажбурлоо ыкмалары колдонулганы тууралуу билдирүүсүнөн кийин болду.

Сапар Исаков  Сооронбай Жээнбеков менен анын бир тууганына нааразы экенин билдирди.

«Азыр мамлекетти Райым-миллиондор башкарып жатат. Мен каршымын. Эмнеге силер мени күч колдонуп алып келдиңер. Сотту менсиз өткөргүлө, мен макулмун. Мен бул оюндарга катышпайм», — деди мурунку премьер-министр.

Мындан улам судья Марат Сыдыков Сапар Исаковду «соттук териштирүүдөгү тартипти бузуп жатат» деген жүйө менен чыгарып жиберди.

Эскерте кетсек, Сапар Исаковго Кылмыш кодексинин 303-беренесинин 2-бөлүгү (оор жагдайларды жараткан коррупция) боюнча айып тагылган.

Мамлекетке жалпысынан 247 млн. сомдук зыян келтирилгени айтылат – тарых музейин оңдоп-түзөөдөн 101,6 млн сом жана ат майданы боюнча 145,9 млн сом.

Булак:  24.kg

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.