Бишкек мэриясы айланма жол ачуу максатында айдоочуларга ыңгайсыздык жаратканы үчүн шаардыктардан кечирим сурайт. Бул долбоордон убактылуу баш тартканын расмий билдиришти.
«Анкара жана 7-апрель көчөлөрүнүн кесилишинде айланма жол болбой калды. Жолду кеңейтүүнү пландап жатабыз. Ошондон кийин айланма жол долбооруна кайра кайрылабыз» деп айтылат муниципалитеттин расмий билдирүүсүндө.
Белгилей кетсек, 8- ноябрда Анкара жана 7-апрель көчөлөрүнүн кесилишинде айланма жол системасын киргизиш үчүн мэрия эксперимент жүргүзгөн. Бирок бул идея ишке ашпай, автотыгынды күчөтүп, элдин нааразычылыгын жараткан.