Өкмөттүн аппаратынын жооптуу кызматкери Егор Скобеев камалды

Окуялар тизмеги, Өлкө 21 Сен 2019 15:19
0 ой-пикир

Өкмөттүн аппаратынын коргоо, укук тартиби жана өзгөчө кырдаалдар бөлүмүнүн талдоо жана болжолдоо секторунун башчысы Егор Скобеев кармалды.

Маалыматка караганда, Биринчи май райондук соту Скобеевдин бөгөт чарасын карап, аны 17-ноябрга чейин Улуттук коопсуздук боюнча мамлекеттик комитеттин (УКМК) тергөө абагына камакка алуу боюнча чечим чыгарган.

Айрым маалымат каражаттары Аскер прокуратурасы ал коррупцияга шек саналып жатканы тууралуу маалымат бергенин жазышты. Башкы прокуратура бул боюнча азырынча маалымат бере элек.

Өкмөттүн сайтындагы маалымат боюнча, Егор Скобеев эмгек жолун 1995-жылы ички иштер органдарында баштаган. 2016-2018-жылдары Жогорку Кеңештин Укук тартиби, кылмыштуулук жана коррупция менен күрөшүү комитетинде консультант болуп иштеген.

2018-жылдын апрелинен тарта өкмөттүн аппаратынын коргоо, укук тартиби жана өзгөчө кырдаалдар бөлүмүнүн талдоо жана болжолдоо секторунун башчысы болуп иштеп келет.

Булак: Азаттык

Сүрөт интернеттен алынды

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.