Билим берүү министрине талапкер Каныбек Исаков латын алфавитине өтүүнү колдой турганын билдирди

Окуялар тизмеги 11 Сен 2019 15:39
0 ой-пикир

Жогорку Кеӊеш билим берүү жана илим министри кызмат ордуна дайындоо үчүн сунуш кылынган Исаков Каныбек Абдуваситовичтин талапкерлигин талкуулап жатат.

Талкуу жүрүшүндө депутат Алтынбек Сулайманов кезинде Касым Тыныстанов баштаган мамлекеттик ишмерлер менен окумуштуулар 30-жылдары эле латын алфавитине өтүү демилгесин көтөрүп, латын тамгаларын кыргыз тилинин өзгөчөлүгүнө ылайык иштеп чыкканын, бирок алардын көбү репрессияга тартылып кеткенин эске салды.

«Азыр түрк тилдүү өлкөлөрдүн арасында Кыргызстан эле калыптыр. Сиздин латын алфавитине өтүү боюнча пикириӊиз кандай?», — деди ал.

Каныбек Исаков латын алфавитине өтүү кыргыз тилинин өнүгүшүнө түрткү бере турганын айтып, эгер андай мүмкүнчүлүк болсо, аны колдой турганын билдирди.

Сүрөт интернеттен алынды

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.