Сотто мурунку мэр көрсөтмө берүүдөн баш тартты

Окуялар тизмеги 30 Авг 2019 12:46
0 ой-пикир

Бишкектин Ленин райондук сотунда жүрүп жаткан соттук отурумда борбор калаанын мурдагы мэри Албек Ибраимов көрсөтмө берүүдөн баш тартты. Ал мэр кезинде Бишкектин түштүк тарабындагы жер тилкелерин мыйзамсыз бөлүп берген деп айыпталууда. Экс-мэр бул иш боюнча өтүп жаткан башка шектүүлөргө басым жасалып, тергөө менен кызматташууга мажбур болгонун айтып, көрсөтмө берүүдөн баш тартарын билдирди.

Кийинки соттук жараян 2-сентябрга белгиленди.

Бишкектин экс-мэри Албек Ибраимов былтыр июнь айында камакка алынган. Ага карата борбордун четиндеги Калыс-Ордо конушундагы мектептин курулушу жана жер тилкелерин мыйзамсыз бөлүүгө байланыштуу эки кылмыш иши козголгон.

Мурдагы президент Алмазбек Атамбаевдин жакын үзөңгүлөшү болгон Ибраимов бул кылмыш иштерин куугунтук катары эсептеп келет. Ал УКМКнын Тергөө абагында кармалууда.

Сүрөт интернеттен алынды

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.