Украина: Радага Жан Беленюк депутат болуп шайланды

Окуялар тизмеги 23 Июл 2019 11:05
0 ой-пикир

Украинадагы парламенттик шайлоонун болжолдуу жыйынтыктарына ылайык, Жогорку Радага алгачкы жолу кара терилүү депутат келди. Ал президент Владимир Зеленскийдин «Эл кызматчысы» партиясынан талапкер болгон Жан Беленюк.

Саясатка аралашканга чейин грек-рим күрөшү менен машыккан Беленюк 2016-жылы Рио Олимпиадасында күмүш медаль тагынган. Ал шайлоодон кийин дагы спортту таштабай турганын жана 2020-жылы Токиодо өтө турган Олимп оюндарына катышуу ниети бар экенин билдирген.

Беленюк учурда 28 жашта. Ал Киевде төрөлгөн, апасы украин, атасы Руанданын жараны. Атасы 1994-жылы Руандадагы жарандык согуш маалында каза болгон.

Сүрөт интернеттен алынды

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.