ШКУга мүчө-мамлекеттердин башчыларынын кеңири курамдагы жыйыны башталды

Окуялар тизмеги 14 Июн 2019 13:39
0 ой-пикир

Бүгүн, 14-июнда «Ала-Арча» мамлекеттик резиденциясында Кыргыз Республикасынын төрагалыгы алдында Шанхай кызматташтык уюмуна мүчө-мамлекеттердин башчыларынын Кеңешинин кезектеги жыйыны башталды, учурда жыйын кеңири курамдарда өтүп жатат.

Иш-чаранын алкагында биргеликте сүрөткө түшүү аземинен соң делегация башчылары ШКУга мүчө-мамлекеттердин башчыларынын тар курамдагы жыйынына багыт алышкан, учурда кеңири курамдагы сүйлөшүүлөр башталды.

ШКУ саммитинин жыйындыгында мамлекет башчылар 20 макулдашууга кол коюшат.

Белгилей кетсек, ШКУ саммитине толук кандуу мүчө катары Индия, Казакстан, Кытай, Пакистан, Россия, Тажикстан, Өзбекстан жана Кыргызстандын лидерлери катышууда. Андан тышкары, уюмда байкоочу макамына ээ болгон Афганистан, Беларус, Иран жана Монголиянын башчылары да катышууда.

Эске салсак, кечээ саммиттин ишине катышуу үчүн Россиянын, Казакстандын, Өзбекстандын, Тажикстандын, Беларусиянын, Монголиянын, Афганистандын, Ирандын мамлекет башчылары, Кытайдын төрагасы, Индия менен Пакистандын премьер-министрлери Бишкекке чогулушкан.

ШКУга мүчө-мамлекеттердин башчыларынын Бишкектеги саммитин 500дөн ашуун чет элдик жана жергиликтүү журналисттер чагылдырууда.

ШКУга быйыл Кыргызстан төрагалык кылууда.

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.